Jaman Kalabendu
Jaman Kalabendu
Dening : Supono, S.Pd.
Duking uni Ki Ranggawarsita/ wus paring jangka laku/
Ing mbesuk/ bakal nemoni jaman kalabendu//
Wong-wong padha ngedan mbeburu nepsu//
Jagad bakal dadi sungsang bawane balik/
Wong-wong padha lena hanggendhong melik/
Pranatan dhatan karuan bisa den wolak-walik//
Jaman kalabendu wus lumaku/
Para pangarsa/ pangembating praja/ pamonge kawula/
Tan bisa tinuladha/ amung mentingake butuhe priyangga//
Mbujung cukup golek kurup/ wekasan banjur korup//
Para wakiling kawula/ sing jarene kinurmat/
...........
Tegese:
Ki Ranggawarsito wis menehi ramalan yen besok bakal nemoni jaman kasengsaraan, yaiku jaman wong-wong pada edhan muaske nepsu, lan donya bakal dadi morat-marit amarga wong-wong Pada sembrono kanggo ngentokke kekarepane nganti gelakokake kabeh cara.
Jaman sengsara wis mlaku, para panguasa negara sing ngurus rakyat ora iso ditiru digawe tuladha amarga mung mentingke butuhe dhewe. Yen wes cukup anggone golek aleman seko rakyat banjur nglakoni kaelekan. Para wakil rakyat sing jare terhormat malah pada khianat yaiku nglakoni korupsi, lali yen ngemban amanat kapercayaan kanggo sarana merjuangke swara rakyat.
Wong kang dipercoyo kanggo ngadegke keadilan lan kebeneran malah rakaruan, pikirane wis pada Keblinger. Perkara dol tinuku malah wis dadi sumber utama. Tingkah wong wong (rakyat) uga wis ora lumrah, guyub rukun lan musyawarah wis rak tau dilakoni, perkara sepele iso marai tukaran gedhe kang marai bubar.
Jaman karengsaraan terus lumaku, mbesok akhir para pujanggo mung ngei piweling, kudu padha ileng lan waspada. Sak beja- bejane wong isih bejo wong Kang ileng lan waspado, sapa salah bakal dingapurani, sapa bener bakal ditompo.
Amanat:
- Aja meksa kanggo muaske hawa nepsu
- Manungsa kudu eling lan waspada
- Kudu amanah menawa diwei kapercayaan
- Aja mentingke kebutuhane dhewe
- Aja nggedhe-nggedbekke masalah sepele
- Kudu ngutamakake musyawarah lan guyub rukun antar warga masyarakat
0 Comments
Post a Comment